NG en VG Kerk Wynberg
|
|
|
|
Op 7 Junie 1829, in die omgewing waar Jan van Riebeeck die eerste wingerd aangeplant het, het 'n klein groepie Christene naby Kirstenbosch in die pragtige opstal van die plaas Boshof vergader. Hulle het besluit om 'n geestelike wingerd aan te lê. Hul hemelse Vader was die boer. Hy het slegs een wingerdstok gebruik. Deur die jare heen het Hy die wingerd gesnoei om meer vrugte te dra. Vandag, wanneer besoekers verby die ou historiese hekke van die plaas Boshof in Paradiseweg ry, betree hulle die skilderagtige gebied van die Nederduitse Gereformeerde Gemeente Wynberg. Dit strek oor die woongebiede van Wynberg, Constantia, Bishopscourt, asook gedeeltes van Nuweland, Claremont, Kenilworth, en Plumstead.
Op 24 Julie 2007 het 'n gesamentlike kerkraadsvergadering van die Nederduitse Gereformeerde Gemeente Wynberg en Verenigende Gereformeerde Kerk Wynberg eenparig besluit dat die twee gemeentes voortaan alle eredienste gaan saamhou. Hierdie besluit is geneem nadat die kerkrade met groot dankbaarheid kennis geneem het van die besondere seën wat tydens die gesamentlike 40 dae van doelgerigte fokus ervaar is. Eredienste word voorlopig om die beurt by die gemeentes se kerkgeboue gehou. Die kerkrade het op 2 September 2008 'n ooreenkoms eenparig goedgekeur waarvolgens die twee gemeentes as een gesamentlike gemeente gaan funksioneer.
Deur die jare heen het die geheim van vrugbaarheid in die geestelike wingerd van Wynberg dieselfde gebly. Ons kan dit in drie woorde sê: "Bly in My." Jesus is die Ware Wingerdstok van Wynberg, en ons as sy gemeente dra vrugte omdat sy Woord en liefde in ons harte woon. Die beroemde teoloog van Switserland, Karl Barth, beskou dit as een van die suiwerste formulerings van presies dit wat God van ons verwag. Dr. Danie T. Nel (Predikant)
Die NG kerkgebou. Kliek op die foto vir 'n groter weergawe
Die VGK kerkgebou
ErediensteGewyde diens 08:00 Oggenddiens 09:30 Buitenverwachting 17:00 Aanddiens 18:00 Daar is geen aanddienste gedurende vakansies en oor langnaweke nie. Raadpleeg asseblief die kalender in verband met die tye van spesiale dienste op godsdienstige feesdae.
Kontakbesonderhede
Ons gemeente se webwerf'n Lank gekoesterde ideaal het werklikheid geword met die publikasie van hierdie webwerf. Ons vertrou dat dit ons gemeente en die breë kerkgemeenskap mag dien met 'n getuienis wat die Here sal verheerlik. Die onkoste om die webwerf in stand te hou, word gefinansier uit vrywillige bydraes deur mense wat glo in die waarde wat dit mag inhou. Indien u 'n donasie wil gee, kan u na die Bankbesonderhede bladsy gaan waar u die nodige inligting sal vind. Bevestig asseblief u inbetaling met 'n e-pos boodskap aangesien ons u graag sal wil bedank. |
|
Stuur pos na
dtnel@iafrica.com met vrae of opmerkings
in verband met hierdie webwerf.
|
