NG Kerk Wynberg
|
|
|
|
‘n Vroeë oggenddiens met die volgende eienskappe mag in hierdie behoefte voldoen:
‘n Kort boodskap is deel van die liturgie. Die diens bevat geen lang afkondigings, kinderboodskappe, getuienisse of geloofsbelydenisse nie. Indien gemeentesang plaasvind, word dit beperk tot hoogstens twee liedere. Die diens mag in ‘n verkeidenheid van behoeftes voldoen. Die volgende lidmate behoort daarby aanklank te vind:
Die gemeente is genooi na ‘n bespreking oor die aard van die dienste op Sondagaand 21 Januarie 2007 om 18:00. ‘n Voorbeeld van die diens is getoets en die terugvoering was deurgaans positief onder sowel die jeug as ouer lidmate van beide die NGK en VGK Wynberg. Die musiek word elke Sondag deur Dr. Jean Elferink saamgestel om by die teks en die tema te pas. Hy beskik oor 'n omvangryke versameling van klassieke musiek. Hy het al verskeie musiekprogramme vir Fine Music Radio saamgestel en aangebied. Hy beskryf die filosofie agter sy keuses soos volg: 1.) Algemene beginsels; mens probeer afwisseling vind, byvoorbeeld nie net koor of net orrel of wat ook al nie. 2.) Inpas by tema; die onderwerp of trant van ʼn boodskap leen homself nie altyd reguit na sekere musiekstukke nie. Dikwels kos dit gebed, tyd, nadink en eksperimenteer vóór ek by die eindkeuses kom. 3.) Moenie te lank wees nie; die deursnee luisteraar se konsentrasievermoë is so om en by 5-8 minute. Mens moet dus binne daai perke probeer bly ( dieselfde geld vir preke, terloops!). 4.) Verskille van smake en vertolking; soos alombekend, verskil hierdie ontsaglik, en ons sal nooit almal kan tevrede stel nie. Trouens, die beste resep vir mislukking is juis om te veel te probeer behaag. Ek poog werklik om nie net my eie smaak te laat botvier nie, maar om Johan Sebastian B se leuse na te volg:” Oud of nuut is nie ter sake nie, solank dit goed is”. 5.) Terugvoering; natuurlik is musiek omtrent dié mees subjektiewe kunsvorm en verslillende mense sal dieselfde werk op geheel ander maniere beleef. Ek waarder dit as mense vir my laat weet of my pogings geslaag of, nog meer leersaam, minder suksesvol was Wat hierdie week se keuses betref: Die tema is “’n Hart vol vreugde oor God se almag en genade”. Ek het dus met die bekende uittreksel uit Brahms se Duitse Requiem begin, want ons vreugde in God kom tot sy beste uiting in die huis van God. Toe ʼn stukkie stemmingsmusiek van Vivaldi. Ek probeer altyd iets net vóór die boodskap iets te plaas wat so na as moontlik by die kern daarvan pas. Of altans wat ék as die kern sien. In hierdie geval was dit juis “God is ons Vreugde” Dan as einde kies ek gewoonlik iets wat óf die boodskap sal beaam en versterk , en/óf die gehoor ʼn positiewe en besielende afsluiting sal besorg.
|
|
Stuur pos na
dtnel@iafrica.com met vrae of opmerkings
in verband met hierdie webwerf.
|
