NG Kerk Wynberg
|
|
|
|
Jongste Nuusbrief
Hoofamptenaar Dr Johan Botha
Gemeentes in die Suidelike Skiereiland Kaapstad 21 Junie 2002 Geagte Leraar en Kerkraad, Ek gee die volgende advertensie deur aan u met die versoek dat u dit in u gemeente sal bekend maak asseblief. Seëngroete, Dr Johan Botha Arbeidsbediening: Vakature by Visserbediening Arbeidsbediening moet eerdaags ‘n vakante pos vul van die geestelike werker onder die vissers by Houtbaai en Kalkbaai se hawens. Die werk behels die verkondiging van die evangelie van Christus deur woord en daad onder die onderskeie vissersgemeenskappe. Die bestuurskomitee beoog dat die werk op ‘n halfdagbasis onderneem sal word. In elk van die hawens bestuur Arbeidsbediening ‘n kiosk waarvandaan uitgereik word. Persone wat belangstel en meer van die werk te wete wil kom, kan skakel met dr Botha by die kantoor van Arbeidsbediening per telefoon nommer 9522162 voor of op 5 Julie 2002. Persoonlikheidseienskappe en ervaring wat ‘n aanbeveling sal wees. Die besonderhede van die werkure, beoogde vergoeding en werkstruktuur sal persoonlik vir aansoekers meegedeel kan word. Die adres waarheen u aansoek, met ‘n volledige en onlangs gedateerde CV , insluitend twee referente, gepos kan word, is soos volg: Visserbediening Vakature Vir aandag: Dr JG Botha Privaatsak X1, Belhar 7507 |
|
Stuur pos na
dtnel@iafrica.com met vrae of opmerkings
in verband met hierdie webwerf.
|
