|
Verklaring van
voorneme:
Die gesamentlike kerkraad maak
hiermee ons voorneme bekend om die gemeentes van die NG Kerk en VG Kerk Wynberg
te herenig deur ’n nuwe gemeente te vorm.
 |
Lidmate tree toe tot die nuwe
gemeente met behoud van hulle lidmaatskap aan die NG Kerk of die VG Kerk. |
|
Die gemeente word gevestig
met die bedoeling om verbonde aan die NG Kerk en die VG Kerk te bly. |
|
Ons beskou die vestiging van
die herenigde gemeente as die uitvoering van besluite wat reeds deur die
onderskeie kerkverbande ten gunste van eenheid geneem is. |
Ons verklaar dat die herenigde
gemeente in die volgende gesindheid gevestig word:
|
Ons verstaan dat die
hereniging van die NG Kerk familie weens kerkregtelike struikelblokke nog
etlike jare kan duur. |
|
Ons het begrip vir die
kompleksiteit van die proses om eenstemmigheid met betrekking tot die
belydenisgrondslag van die herenigde kerk te vind. |
|
Ons het tot die oortuiging
gekom dat die hereniging van die Wynberg gemeentes na ’n groeiproses van
sewentien jaar nie langer uitgestel kan word nie. |
|
Ons glo dat die Here ons nou
daartoe roep – ons kan nie anders nie. |
|
Ons neem hierdie tree as ’n
stap in die geloof om die herenigde kerk te help vestig. |
Ons versoek die kerkleiding op
rings- en sinodale vlak
|
Om begrip vir ons unieke
situasie te hę. Die gemeentes is reeds sedert 2001 “verloof” nadat die
kerkrade die besluit geneem het om die twee gemeentes te herenig. Sommige
bejaarde lidmate wil graag die droom sien waar word. Ons sal daarom graag teen
1 Januarie 2009 die nuwe gemeente wil vestig. |
|
Om aan ons vas te hou soos
wat ons aan hulle wil bly vashou. |
|
Om ons te help om die
struktuur en proses te ondersoek wat aan ons voorneme gestalte kan gee. |
|
Om saam met ons die nodige
kerkregtelike ruimte te skep deur byvoorbeeld vir ’n geassosieerde “saam op
weg” kerkverband voorsiening te maak. |
Ons onderneem om
|
Ons lidmate behoorlik in te
lig |
|
Dat die verskillende
moontlikhede aan hulle voorgelę sal word, |
|
Dat ons slegs sal voortgaan
om ’n bepaalde opsie uit te oefen indien die vereiste meerderheid van die
lidmate daartoe instem. |
Die nuwe gemeente sal voorlopig
bekend staan as die Gesamentlike Gemeente van Wynberg.
|
Ons vetrou dat die opsie van
gesamentlike gemeentes nie alleen die weg tot hereniging binne die NG Kerk
familie sal berei nie, maar ook tot die eenwoording van die Protestantse kerke
in Suid-Afrika. |
|
Ons stel daarom voor dat die
naam van die herenigde kerk die Protestantse Kerk in Suid-Afrika sal wees |
Goedgekeur tydens die
gesamentlike kerkraadsvergadering op 3 Junie 2008
| 
NG Kerk Wynberg 
