NG Kerk Wynberg

Tuisblad Terug Terugvoering Inhoud

Vroeë Diens

 

Tuisblad
Terug

 

'n Vroeë oggenddiens vir Wynberg

Op soek na ‘n vars belewing van God se nabyheid? Vanaf 4 Februarie 2007 begin ons met ‘n vroeë oggenddiens wat die volgende eienskappe sal hê:

a.        Die diens begin 08:00 en eindig 08:30.

b.        Agtergrondsmusiek vanaf 07:45 skep ‘n gewyde atmosfeer.

c.        Geleenthede van stilte en gebede word benut om lidmate te help om

i.  rustig te raak;

ii.  te fokus op die teenwoordigheid van God;

iii.  te fokus op die Woord van God;

iv.  na te dink oor wat die Here vir hulle wil sê.

d.         ‘n Kort boodskap is deel van die liturgie.

e.        Die diens bevat geen lang afkondigings, kinderboodskappe, getuienisse of geloofsbelydenisse nie.

f.        Indien gemeentesang plaasvind, word dit beperk tot hoogstens twee liedere.

Die diens mag in ‘n verkeidenheid van behoeftes voldoen. Die volgende lidmate behoort daarby aan-klank te vind:

bullet

Lidmate wat die behoefte het aan die belewing van ‘n innige gemeenskap met God.

bullet

Lidmate wat wil groei in die vermoë om duideliker op God te fokus, Hom beter te hoor en sy wil duideliker te vertolk.

bullet

Lidmate wie se familie betrokke is by sportbyeenkomste of uitstappies en wat as gevolg daarvan nie die normale dienste om 09:30 kan bywoon nie.

bullet

Lidmate wat uitstappies vir die dag beplan.

bullet

Lidmate wat weens mediese redes nie meer langer eredienste kan bywoon nie.

bullet

Lidmate wat nie aanklank vind by die formaat van die betrokke diens om 09:30 nie.

Die gemeente is genooi na ‘n bespreking oor die aard van die dienste op Sondagaand 21 Januarie 2007 om 18:00. ‘n Voorbeeld van die diens is getoets en die terugvoering was deurgaans positief onder sowel die jeug as ouer lidmate van beide die NGK en VGK Wynberg.

Ons uitgangspunt is dat die Christelike lewe ‘n reis is waarop ons toenemend bewus raak van die liefde van God. Langs hierdie weg kom ons meer in kontak met dit wat in ons harte leef sodat die Here ons daar kan ontmoet. Ons raak ook meer bewus van die ander in ons lewe, ons omgewing en die natuur. Soos iemand aangrypend skryf: “Stilte is die groeipunt van liefde” (Met erkenning: Sentrum vir Christelike Spiritualiteit)

 Dr. Danie Nel

 

 

 

Stuur pos na dtnel@iafrica.com met vrae of opmerkings in verband met hierdie webwerf.
Kopiereg © 2002 Nederduitse Gereformeerde Kerk Wynberg
Laaste verandering: 01/13/12